Formulario di aseptashon terapia online

(1) Terapia online ta abarká e dunamentu di consulta, tratamentu, intercambio di informashon pertinente na e tratementu pa via di email, konbersashon telefoniko i otro komunikashon pa medionan interactivo di audio, video of otro formanan di datakomunikashon. Esaki ta sosodé entre e terapeuta (Marie Anne Morón, GZ-psycholoog i Registerpsycholoog NIP Kinder- en Jeugd) i e kliente, ___________________ (yena nòmber) ku sita previo. Pa esaki lo hasi uzo di e platform Doxy.me, ku ta un foro sigur i ku ta kumpli ku e regulashonnan di HIPAA- i GDPR-[1].

(2) Terapia online ta tuma lugar for di e kantor di e terapeuta na Korsou. E terapeuta lo manda e kliente un invitashon pa medio di un link. E kliente mester hasi uzo di un device ku tin akseso na internet. Door di klik riba e link, e kliente ta hasi uzo di e modalidad aki pa tuma contacto ku e terapeut, pa asina yena nan seshon previamente akordá. Di e manera aki, e kliente tin e posibilidat na tur momento di djoin of sali for di e kombersashon.

(3) Tur leinan ku ta proteha e intercambio di informashon personal i mediko ta konta tambe pa terapia online. A menos ku esaki lo a wordu palabra previamente, (pa medio di un formulario firmá pa kompartí informashon ku un terser partido), tur informashon ku  lo wordu kompartí durante e seshon ta konfidenshal i no tin mag di wòrdu kompartí ku terser partidonan, grabá of distribuí na ningun otro manera. Esaki ta konta tantu pa e terapeuta komo pa e kliente. No sigui e reglanan aki por tin konsekuenshanan legal.

(4) Den e kuadro aki, tanto e terapeuta komo e kliente lo tene e seshon na un area será kaminda e kombersashon por wordu tené di un manera privá i sin intervenshon di terser partidonan. Tanto e kliente komo e terapeut lo no duna akseso na otro hende pa ta presente den e area kaminda e terapia lo tuma lugar, ku eksepshon di previo akuerdo di ambos partido.

E eksepshon spesifiko i restringí na e obligashon di sekresía aki ta konta den e siguiente situashonnan:

• Ora tin peliger pa e kliente of otro persona – e terapeuta ta obligá di tuma e pasonan nesesario pa evita esaki;
• Ora tin sospecho di abuso fisico of seksual of kaminda tin un riesgo agudo pa esaki sosodé – e terapeuta ta obligá di tuma e pasonan nesesario pa evitá esaki i lo informá e autoridadnan nesesario den e kuadro aki;
• Den kaso di un petishon balido di wes, kaminda e wes ta hasi un petishon formal pa duna informashon di e tratamentu.

(4) Terapia online no ta duna servisio di emergensha i no mester wordu uzá den kaso di emergensha. En un kaso asina, e kliente mester bel su dòkter di kas of hasi uzo di e linea di emergensha 911.

(5) Den kaso ku terapia online no ta e mihor alternativa pa e kliente, e terapeuta lo duna esaki di konosé na e kliente i lo ofresé opshonnan di tratamentu alternativo ku ta pas mihor ku e situashon personal di e kliente.

(6) Ta e kliente su responsabilidat pa tin un kompiuter of otro device di telekomunikashon ku akseso na internet pa por hasi uzo di e seshonnan. E kliente tambe ta responsabel pa soru pa e protekshon di e devices propio ku lo wordu uzá durante e tratamentu.

(7) Ora di hasi terapia online, ta hasi uzo di internet (world wide web) komo medio di komuniká informashon. E kliente ta konsiente ku tin riesgo i konsekuenshanan mará na e uzo di su mes aparatonan riba e web i mandamentu di informashon riba e web, entre otro, pero no limitá na e posibilidat, ku a pesar di tur prekaushon ku e terapeuta of e forum por tuma, 1) e informashon mandá por wordu strobá of distorshoná door di problema tekniko; 2) e traspaso di informashon por wordu interumpí pa terser partido no autorisá; 3) e almasenamiento elektroniko di e informashon lo por wordu mirá pa terser partidonan no autorisá; 4) por hanja un virus online si no ta hasiendo uzo di un protekshon riba e device.

E terapeuta no ta responsabel pa kualke danjo direckto of indirekto ku por resultá di uzo di e medio aki.

(8) E otro reglanan general ku lo konta pa seshonnan face to face tambe na vigor durante e seshonnan aki. Pa esaki nos ta hasi referensha na e reglanan general di Psyworks NV. Den kaso ku e koriente of internet kai afó, of kualke otro difikultad tekniko ku por stroba e kontinuidat di e konbersashon lo hasi uzo alternativo di un sita via telefon.

E kliente a lesa i komprondé e informashon duná aki riba i ta bai di akuerdo ku e puntonan indiká.

_____________________                                  __________________
Nòmber kliente                                                       Fecha

______________________                               __________________
Firma kliente                                                            Firma mayor of vògt den kaso di kliente menor ku 18 aña

[1] HIPAA, of Health Insurance Portability and Accountability Act ta un serie di regulsahon pa e uzo i disclosure legal di informashon protehá den e area di salubridad.

GDPR ta e insialnan di e General Data Protection Regulation ku ta na vigor na Europa for di mei 2018. E lei aki ta pone restrikshon na kompanianan ku ta kolektá informashon. Na Hulanda e lei aki tambe ta konosé komo AVG.